Бидний тухай

"Их Монгол Кредит" ББСБ нь Монгол Улсын санхүүгийн салбар эрчимтэй хөгжиж, иргэдийн санхүүгийн үйлчилгээний хүртээмжийг нэмэгдүүлэх хэрэгцээ шаардлага өсөн нэмэгдэж байсан 2004 онд Монголбанкны эрх бүхий зөвшөөрөлтэйгөөр байгуулагдан үйл ажиллагаагаа эхлүүлсэн.
 
Тухайн үед Монгол Улсын эдийн засаг зах зээлийн тогтолцоонд бүрэн шилжиж, хувийн хэвшлийн хөгжил эрчимжиж байсан хэдий ч жижиг, дунд бизнес эрхлэгчид, өрхийн үйлдвэрлэл эрхлэгчид болон иргэдийн хувьд санхүүгийн үйлчилгээний хүртээмж хязгаарлагдмал хэвээр байв. Энэхүү хэрэгцээ шаардлагад үндэслэн манай байгууллага харилцагчдад түргэн шуурхай, найдвартай, хүртээмжтэй санхүүгийн үйлчилгээг хүргэх зорилгоор үйл ажиллагаагаа эхлүүлсэн юм.
 
Өдгөө бид 2,300 гаруй аж ахуйн нэгж байгууллага, 55,000 орчим харилцагчид үйлчилгээ үзүүлж, салбартаа тогтвортой хөгжлийг бий болгосон санхүүгийн байгууллага болон өргөжөөд байна. Байгуулагдсан цагаасаа хойш бид харилцагч төвтэй үйл ажиллагаа, мэргэжлийн ёс зүй, ил тод байдал, тогтвортой хөгжлийн зарчмыг эрхэмлэн ажиллаж ирсэн бөгөөд харилцагчдынхаа итгэлийг хүлээсэн санхүүгийн найдвартай түнш болж чадсан билээ.
 
Манай байгууллага Монгол Улсын банк, санхүүгийн зах зээлийн хөгжилд бодит хувь нэмэр оруулах, үйл ажиллагаагаа олон улсын жишигт нийцүүлэн хөгжүүлэх зорилтын хүрээнд 2011 оноос эхлэн Санхүүгийн зохицуулах хорооноос олгогдсон гурван төрлийн тусгай зөвшөөрлийн дагуу үйл ажиллагаагаа өргөжүүлэн явуулж байна. Бид бүтээгдэхүүн, үйлчилгээгээ тасралтгүй сайжруулж, харилцагчдын хэрэгцээ шаардлагад нийцсэн шинэлэг шийдлүүдийг зах зээлд нэвтрүүлсээр байна.
 
Дижитал шилжилтийн эрин үед технологийн хөгжил, хэрэглэгчдийн хэрэгцээ шаардлагад нийцүүлэн 2021 онд iOS болон Android үйлдлийн системд суурилсан "Ikh Mongol Credit" аппликейшнийг нэвтрүүлж, финтекийн шийдэлд суурилсан зээл болон төлбөрийн үйлчилгээг харилцагчдадаа хүргэж эхэлсэн. Ингэснээр санхүүгийн үйлчилгээг илүү хялбар, хүртээмжтэй, шуурхай хэлбэрээр авах боломжийг бүрдүүлсэн.
 
Мөн мэдээллийн аюулгүй байдлыг үйл ажиллагааныхаа тэргүүлэх чиглэл болгон ажиллаж, 2024 онд Мэдээллийн аюулгүй байдлын менежментийн тогтолцоог нэвтрүүлэн ISO 27001:2022 олон улсын стандартыг хангаж ажиллах болсон. Энэхүү стандарт нь харилцагчдын мэдээллийн нууцлал, бүрэн бүтэн байдал, аюулгүй байдлыг олон улсын түвшинд хамгаалах боломжийг бүрдүүлж байна.
 
"Их Монгол Кредит" ББСБ нь харилцагчдынхаа санхүүгийн хэрэгцээг хангахаас гадна тэдний амжилт, өсөлт хөгжилд хамтран хувь нэмэр оруулахыг эрхэм зорилгоо болгон ажилладаг. Бид цаг үеийн өөрчлөлттэй хөл нийлүүлэн шинэ бүтээгдэхүүн, үйлчилгээг тасралтгүй хөгжүүлж, харилцагч бүрийн итгэлт түнш байхыг зорьдог.
 
Түүнчлэн салбарын мэргэжлийн холбоодын үйл ажиллагаанд идэвхтэй оролцож, Монгол Улсын санхүүгийн салбарын хөгжилд хувь нэмрээ оруулахын зэрэгцээ байгууллагынхаа хүний нөөцийн хөгжлийг чухалчилдаг. Ажилтнууддаа мэргэжлийн болон хувь хүний хөгжлийг дэмжсэн сургалт хөгжлийн хөтөлбөрүүд, карьерын өсөлтийн боломж, гүйцэтгэлд суурилсан KPI урамшууллын тогтолцоог бүрдүүлэн ажиллаж байна.
 
Бид хууль тогтоомж, зохицуулагч байгууллагуудын шаардлагыг чанд мөрдөж, Санхүүгийн зохицуулах хороо болон Монголбанкинд шаардлагатай тайлан мэдээллийг цаг хугацаанд нь хүргүүлэн, санхүүгийн сахилга бат, засаглалын өндөр стандартыг ханган ажилладаг.
 
Их Монгол Кредит ББСБ нь цаашид ч харилцагчдынхаа итгэлт түнш байж, дэвшилтэт технологи, инновацид суурилсан хүртээмжтэй санхүүгийн үйлчилгээг хүргэн Монгол Улсын санхүүгийн салбарын хөгжилд бодит хувь нэмэр оруулсаар байх болно.